លុត្ត

Verb to eliminate, erase, delete; to destroy; to ruin (e.g. someone's reputation)

បា. សំ.(កិ.) (លុប្ត) លុបចោលហើយ គឺធ្វើឲ្យបាត់ស្នាម,ឲ្យបាត់គំនូស, ឲ្យបាត់រូប, ឲ្យបាត់ឈ្មោះ, ឲ្យវិនាស, ឲ្យសូន្យហើយ ។ គុ. ដែលលុបចោលហើយ ។ លុត្តបទ (លុត-តៈបត់) បទដែលលុបចេញមិនឲ្យមាន, ដូចជា : សត្វ-នៅក្នុង-ទឹក, លុប នៅក្នុង ចេញ ទុកត្រឹមតែ សត្វទឹក, បទដែលលុបចេញហៅថា លុត្តបទ (ព. វ.; ម. ព. មជ្ឈេលុប ផង) ។ លុត្តសមាស (លុត-តៈសៈម៉ាស) សមាសដែលលុបវិភត្តិចេញទុកឲ្យនៅតែរូបសព្ទភ្ជាប់គ្នា, ដូចជា : សង្ឃស្ស-ទាន លុប ស្ស ចេញ ទុកត្រឹមតែ សង្ឃទាន “ទានដើម្បីសង្ឃឬអំណោយដែលគេឲ្យដល់សង្ឃ” (ព. វ.) ។ល។