មជ្ឈិម

Adjective to be average, common; medium, intermediate, middle, central

Adjective average; medium; central

បា. ; សំ. (គុ.) (មធ្យម) យ៉ាងកណ្ដាល : ទោសមជ្ឈិម, បទមជ្ឈិម, ជាមជ្ឈិម, យ៉ាងមជ្ឈិម ។ ច្រើនប្រើជាបទសមាស ដូចជា : មជ្ឈិមដ្ឋាន (ដូចគ្នានឹង មជ្ឈដ្ឋាន ដែរ) ; ឈ្មោះថ្នាក់រៀនទី ៨-៩ នៃបឋមសិក្សា : មជ្ឈិមដ្ឋានទី១, –ទី២ ។ មជ្ឈិមទោស (ម័ចឈិមៈ–) ទោសយ៉ាងកណ្ដាល ។ មជ្ឈិមនិកាយ ឈ្មោះគម្ពីរព្រះសុត្តន្តបិដកមួយពួកតបន្ទាប់ពីគម្ពីរទីឃនិកាយមក (ព. ពុ.) ។ មជ្ឈិមប្បដិបទា (ម័ច-ឈិម័បប៉ៈដិប៉ៈទា) សេចក្ដីប្រតិប័ទជាកណ្ដាល គឺប្រតិបត្តិប័ទតាមដំណើរអដ្ឋង្គិកមគ្គ ជាចន្លោះកណ្ដាលនៃសេចក្ដីប្រតិប័ទតឹងពេកនិងធូរពេក; ហៅជា សំ. ថា មធ្យមប្រតិប័ទ ក៏បាន (ព. ពុ.) ។ មជ្ឈិមប្បទេស (ម័ចឈិម័ប-ប៉ៈ–) ប្រទេសភាគកណ្ដាលនៃជម្ពូទ្វីប គឺប្រទេសឥណ្ឌាសព្វថ្ងៃ (ហៅ មជ្ឈិមប្រទេស ឬ មធ្យមប្រទេស ក៏បាន) ។ មជ្ឈិមពុទ្ធវចនៈ ពុទ្ធវចនៈប៉ែកកណ្ដាល គឺពុទ្ធភាសិតដែលជាចន្លោះកណ្ដាលនៃបឋមពុទ្ធវចនៈនិងមច្ឆិមពុទ្ធវចនៈ (ព. ពុ.) ។ មជ្ឈិមពោធិកាល (ម. ព. ពុទ្ធកាល) ។ មជ្ឈិមភាគ ប៉ែកកណ្ដាល ។ មជ្ឈិមភូមិ ថ្នាក់ឬជាន់កណ្ដាល ។ មជ្ឈិមយាម យាមឋិតនៅជាចន្លោះកណ្ដាលនៃបឋមយាមនិងបច្ឆិមយាម ។ មជ្ឈិមវ័យ វ័យជាចន្លោះកណ្ដាលនៃបឋមវ័យនិងបច្ឆិមវ័យ ។ល។