អសីត្យានុព្យញ្ជនៈ

Noun the 80 minor / inferior signs of a great man

បា. (ន.) (–នុព្យញ្ជន < អសីតិ “៨០” + អនុព្យញ្ជន “លក្ខណៈតូចៗនៃអវយវៈ”, អសីតិ > អសីត្យ, អនុ– > អានុ–) លក្ខណៈតូចៗឬលក្ខណៈរាយរងនៃអវយវៈនាសព៌ាង្គកាយនៃមហាបុរស គឺព្រះសព្វញ្ញុពុទ្ធនិងចក្កវត្តិរាជ (ធម្មតាមហាបុរសគឺលោកអ្នកមានបុញ្ញា-ភិនីហារខ្ពង់ខ្ពស់បំផុត ជាអច្ឆរិយមនុស្សក្នុងសកលលោក, ដែលទៀងតែបានជាស្តេចចក្រពត្តិ ឬបានត្រាស់ជាព្រះសព្វញ្ញុពុទ្ធ, រមែងតែមានលក្ខណៈនៃមហាបុរស ៣២ យ៉ាង មានស្នាមជារូបកង់ដ៏វិចិត្រ ត្រង់កណ្ដាលបាតព្រះបាទាជាដើមហៅថា ទ្វត្តឹសមហាបុរិសលក្ខណៈ “លក្ខណៈនៃមហាបុរស ៣២ យ៉ាង” និងលក្ខណៈតូចៗមាន៨០យ៉ាងហៅថា អសីត្យានុព្យញ្ជនៈ “អនុព្យញ្ជនៈ ៨០ យ៉ាង” : ព្រះសម្មាសម្ពុទ្ធ ទ្រង់បរិបូណ៌ដោយមហាបុរិសលក្ខណៈ ៣២ និងអនុព្យញ្ជនៈ ៨០ យ៉ាង) ។