បាយសិង្ឃាដក៍

name of the four small chunks of cooked rice put on the edge of a pot in which medicine is prepared and believed to produce a more efficacious medicine

បា. សំ. (ន.) (សឹឃាដក ឬ សិង្ឃាដក; ស្រិង្គាតក “ផ្លូវឬអ្វីៗដែលមាន សណ្ឋានដូចជាផ្លែក្រចាប់, ផ្លូវបែក ៣, ឬផ្លូវបែក៤, ផ្លូវត្រឡែងកែង”) ឈ្មោះដុំបាយតូចៗបួនដុំដែលដាក់ទើរលើមាត់ឆ្នាំងដាំថ្នាំរំងាប់រោគ ប្រើជាគ្រឿងប្រសិទ្ធីថ្នាំឆ្នាំងឲ្យពូកែ (ប្រើតាមតម្រាគ្រូថ្នាំ) ។ ព. ទ. បុ. បាយសិង្ឃាដក៍ ហ៊ានប្រមាថកន្ទោងចំ និយាយអំពីគេថាឲ្យមនុស្សអ្នកតូចទាបខ្សត់ខ្សោយមិនហ៊ានចូលដណ្ដឹងកូនស្រីអ្នកមានយសស័ក្ដិធំឬអ្នកមានទ្រព្យធនច្រើន, ពុំនោះដែលហ៊ានប្រទូស្តតតាំងនឹងអ្នកទាំងនោះ, គេប្រៀបដូចជាបាយសិង្ឃាដក៍ជារបស់ថោកទាបជាងកន្ទោងចំដែលសម្រាប់ដាក់ក្នុងទីខ្ពស់ ទីរុងរឿង ដូច្នោះឯង ។